సినిమా, మీడియా , డిజిటల్, అడ్వర్టైజింగ్
రంగాలలో 30ఏళ్ల అనుభవం ఉన్న శ్రీనివాస్ నేదునూరి
ETv, NTV, RTV, Prime 9 News లలో కంటెంట్ మరియు ప్రోగ్రామ్ ప్రొడ్యూసర్ గా వర్క్ చేసిన అనుభవం ఉంది. ఉషాకిరణ్ మూవీస్ ( RFC) చిత్రాలకు సహాయకుడిగా పనిచేసిన అనుభవంతో సంధ్యారాగం సినిమాకు రచన, దర్శకత్వం వహించారు.ప్రస్తుతం సూత్రధారి అనే చిత్రానికి దర్శకత్వం వహిస్తూ అడ్వర్టైజింగ్ రంగంలో కూడా యాక్టీవ్ గా ఉన్నారు.
తెలుగు సినిమా చరిత్రలో కొన్ని సినిమాలు కేవలం హిట్లుగా మిగిలిపోవు.. అవి ట్రెండ్ సెట్టర్లుగా మారుతాయి. సరిగ్గా 35 ఏళ్ల క్రితం, మెగాస్టార్ చిరంజీవి మరియు దర్శకుడు విజయ బాపినీడు కాంబినేషన్లో వచ్చిన ‘గ్యాంగ్ లీడర్’ అటువంటి ఒక ప్రభంజనమే. నేటికీ ఒక మాస్ కమర్షియల్ ఎంటర్టైనర్ ఎలా ఉండాలి అంటే టెక్స్ట్బుక్ లాంటి ఉదాహరణ ఈ చిత్రం
ఆవేశంలో భగత్ సింగ్.. ఆలోచనలో సుభాష్ చంద్రబోస్!
ఈ సినిమాలో చిరంజీవి చెప్పే డైలాగ్స్ ఇప్పటికీ అభిమానుల గుండెల్లో మారుమోగుతుంటాయి. “ఆవేశంలో భగత్ సింగ్ కు భక్తుడిని నేనే – ఆలోచనలో సుభాష్ చంద్రబోస్ కు శిష్యుడిని నేనే” అంటూ తన క్యారెక్టర్ ఆటిట్యూడ్ను, స్వగ్ను వెండితెరపై ఆవిష్కరించిన తీరు అమోఘం. కేవలం డైలాగులు మాత్రమే కాదు, చిరు మేనరిజమ్స్, ఆ టోర్న్ ప్యాంట్స్, చేతికి గ్లౌజ్.. ప్రతిదీ ఒక స్టైల్ స్టేట్మెంట్గా మారిపోయింది.
ప్రతి ఫ్రేమ్లో మెగాస్టార్ ప్యూర్ డామినేషన్
గ్యాంగ్ లీడర్ అంటే కేవలం యాక్షన్ మాత్రమే కాదు, అందులో అన్ని ఎమోషన్స్ సమపాళ్లలో కుదిరాయి:
ఫైట్స్లో రేజ్ (Rage):శత్రువుల సింహస్వప్నంలా రాజారామ్ క్యారెక్టర్లో చిరు చూపించిన కోపం నెక్స్ట్లెవల్.
కామెడీలో టైమింగ్: తన గ్యాంగ్ మెంబర్స్తో చేసే అల్లరి, హీరోయిన్ విజయశాంతితో వచ్చే సీన్స్ లో చిరు కామెడీ టైమింగ్ థియేటర్లలో నవ్వుల పువ్వులు పూయించింది.
ఎమోషన్స్లో ఫైర్: తమ్ముళ్ల కోసం, కుటుంబం కోసం నిలబడే అన్నయ్యగా చిరంజీవి నటన ఆడియన్స్కు కంటతడి పెట్టించింది.
డాన్స్ & మ్యూజిక్: బప్పి లహిరి అందించిన సంగీతం ఈ సినిమాకు వెన్నెముక. ముఖ్యంగా “వాన వాన వెల్లువాయే” సాంగ్ ఇప్పటికీ ఆల్ టైమ్ చార్ట్ బస్టర్.
బాక్సాఫీస్ వద్ద రికార్డుల వేట
రిలీజ్ అయిన మొదటి రోజు నుంచే థియేటర్లలో మాస్ మీటర్ను రప్ఫాడించిన ఈ సినిమా, బాక్సాఫీస్ వద్ద పాత రికార్డులను బద్దలు కొట్టి సరికొత్త చరిత్ర సృష్టించింది. మెగాస్టార్ కెరీర్లోనే ఒక మైలురాయిగా నిలిచిపోయిన ఈ చిత్రం 35 ఏళ్లు పూర్తి చేసుకున్నా, ఇప్పటికీ టీవీలో వస్తుందంటే జనం టీవీలకు అతుక్కుపోతారంటేనే అర్థం చేసుకోవచ్చు ఈ సినిమా ఇంపాక్ట్ ఎలాంటిదో.
మాస్ పల్స్ తెలిసిన దర్శకుడు విజయ బాపినీడు మేకింగ్, చిరంజీవి మాస్ ఇమేజ్ తోడై ‘గ్యాంగ్ లీడర్’ ఒక సెన్సేషన్గా నిలిచింది. తెలుగు ప్రేక్షకులకి ఎప్పటికీ పూనకాలు తెప్పించే ఈ సినిమా.. నిజంగానే ఒక మాస్ క్లాసిక్!
