Public Talk TV: Srinivas Nedunuri & Gurrapu Vijay Kumar: తొలి చిత్రం *ఈశ్వర్* ద్వారానే వెండితెరపై అడుగుపెట్టిన ప్రభాస్, ఆ మొదటి సినిమాతోనే తన ప్రత్యేక శైలి, మాస్ అప్పీల్‌తో ప్రేక్షకుల మనసులను గెలుచుకున్నారు. *వర్షం* సినిమాతో ఆయనకు భారీ బ్రేక్ లభించింది. ప్రేమ, యాక్షన్, భావోద్వేగాల సమ్మేళనం అయిన ఆ చిత్రం ప్రభాస్‌ను టాలీవుడ్‌లో స్టార్ హీరోగా నిలబెట్టింది.
బాహుబలి – పాన్ ఇండియా స్టార్ పుట్టిన ఘడియ
*బాహుబలి* రెండు భాగాల చిత్రాలు ప్రభాస్ కెరీర్‌లోనే కాకుండా భారత సినిమా చరిత్రలో ఓ మైలురాయిగా నిలిచాయి. దర్శక ధీరుడు ఎస్.ఎస్. రాజమౌళి దర్శకత్వంలో ప్రభాస్ చూపిన కష్టపడే తత్వం, అంకితభావం, స్క్రీన్‌పై చూపిన మహత్తర వ్యక్తిత్వం ప్రపంచవ్యాప్తంగా తెలుగు సినిమా గౌరవాన్ని పెంచాయి. *బాహుబలి* విజయంతో ప్రభాస్ పేరు భారతదేశమంతా ప్రతిధ్వనించింది — ఆయన ఓ *పాన్ ఇండియా స్టార్*, అభిమానుల గుండెల్లో చెరగని ముద్ర వేసుకున్న హీరోగా నిలిచారు.
*వైవిధ్యమైన కథనాలతో* *ఆదిపురుష్* ద్వారా పురాణ గాథలో రాముడి పాత్రలో ప్రభాస్ చూపిన గంభీరత, ఆధ్యాత్మికత ప్రజల మనసులను తాకాయి. తరువాత *సలార్* చిత్రంలో ప్రశాంత్ నీల్ దర్శకత్వంలో ఆయన మళ్లీ తన యాక్షన్ అవతారంలో మెరిశారు. ప్రభాస్ నటన, స్క్రీన్ ప్రెజెన్స్, మాస్ ఎనర్జీ ప్రపంచవ్యాప్తంగా మరోసారి తెలుగు సినిమా వైభవాన్ని ప్రదర్శించింది.
(కల్కి 2898 AD)* వంటి సైన్స్ ఫిక్షన్ చిత్రం భారతీయ సినిమాకు సరికొత్త జోనర్ను అందించి ప్రపంచవ్యాప్తంగా ప్రభాస్ స్టామినాను వెండి తరపై ఆవిష్కరించారు నాగ్ అశ్విన్.
రాబోయే చిత్రాలు – కొత్త జోనర్లలో ప్రభాస్ పవర్
ఇప్పుడేమో ప్రభాస్ మరోవైపు కొత్త ప్రయోగాలకు సిద్ధమవుతున్నారు. *మారుతి దర్శకత్వంలో* తెరకెక్కుతున్న *రాజా సాబ్ హర్రర్ కామెడీ చిత్రంతో ఆయన మరో విభిన్న పాత్రలో ప్రేక్షకులను అలరించబోతున్నారు. ఇప్పటికే రిలీజైన ట్రైలర్ కు ట్రెమండస్ రెస్పాన్స్ వస్తోంది. 2026 జనవరి 9 న ప్రపంచవ్యాప్తంగా రిలీజ్ కాబోతోంది. అదే విధంగా *సందీప్ రెడ్డి వంగ* దర్శకత్వంలో రూపొందుతున్న “స్పిరిట్” అనే యాక్షన్ డ్రామా చిత్రం, హను రాఘవపూడి డైరక్షన్ లో తెరకెక్కుతున్న ఫౌజీ మూవీ, సలార్ 2 చిత్రాలే కాకుండా గీతా ఆర్ట్స్ బ్యానర్ లో కూడా ఓ చిత్రం తెరకెక్కబోతోందని తెలుస్తోంది.
ఈ చిత్రాల ద్వారా ప్రభాస్ తన కెరీర్‌లోనే అత్యంత పవర్‌ఫుల్ రోల్స్ లో కనిపించబోతున్నారు. ఈ చిత్రాలతో ప్రపంచస్థాయిలో తెలుగు సినిమా శక్తిని మరోసారి చూపించనున్నాడు మన డార్లింగ్.
బాహుబలి: ది ఎపిక్ — రెండు భాగాల కలయికలో కొత్త అనుభూతి! మొత్తం 224 నిమిషాల రన్‌టైమ్‌తో రూపొందిన బాహుబలి ఎపిక్ వెర్షన్ అక్టోబర్ 31, 2025న విడుదల కానుంది. రాజమౌళి సృష్టించిన ఈ సాగా ఇప్పుడు ఒకే కథగా మళ్లీ మీ ముందుకు వస్తోంది. తెర వెనుక మన డార్లింగ్
ప్రభాస్ గురించి చెప్పాలంటే ఆయన తెరమీద మాత్రమే కాదు, తెరవెనుక కూడా అదే వినయం, ప్రేమ, పెద్దమనసుతో ఉండే వ్యక్తి. అభిమానుల పట్ల ఆయన ప్రేమ, ఆత్మీయత, దాతృత్వం అందరినీ ఆకట్టుకుంటుంది. అందుకే ఆయనను అందరూ ప్రేమతో “డార్లింగ్ ప్రభాస్” అని పిలుస్తారు.
*అక్టోబర్ 23* మన అందరి ప్రియమైన హీరో **డార్లింగ్ ప్రభాస్ జన్మదినం!* ఈ ప్రత్యేక సందర్భంలో, *పబ్లిక్ టాక్ టీవీ*వెబ్ సైట్ తరపున మన డార్లింగ్ ప్రభాస్ గారికి హృదయపూర్వక **జన్మదిన శుభాకాంక్షలు!**
మీకు ఇంకా ఎన్నో విజయాలు, బ్లాక్‌బస్టర్లు, ప్రపంచవ్యాప్తంగా గౌరవం, ప్రేమ, ప్రశంసలు లభించాలని కోరుకుంటున్నాం.
