#ssmb29 – VARANASI: రాజమౌళి – మహేష్ వారణాసి యూనివర్స్

సూపర్ స్టార్ మహేష్ బాబు (Mahesh Babu) హీరోగా దర్శక దీరుడు రాజమౌళి (SS Rajamouli) కాంబోలో తెరకెక్కుతున్న యాక్షన్ అడ్వెంచరస్ మూవీ SSMB 29 కి అదిరిపోయే టైటిల్ ఫిక్స్ చేసి సినీ ప్రియులను ఉత్సాహపరిచారు.

యావత్ ప్రపంచ సినీ ప్రేమికులు ఎంతో ఆసక్తిగా ఎదురుచూస్తున్న ఎస్ఎస్ఎంబి 29 టైటిల్ ‘వారణాసి’ (Varanasi) గా ఖరారు చేశారు. శనివారం హైదరాబాద్లోని రామోజీ ఫిల్మ్ సిటీ (Ramoji Film City) వేదికగా #Globe Trotterevent టైటిల్తో పాటు ‘వారణాసి’యూనివర్స్ ను ప్రేక్షకులకు పరిచయం చేశారు. మునుపన్నడు చూడని సరికొత్త అవతారంలో మహేశ్ బాబు కనిపించి అలరించారు.

ఈ మూవీలో మహేష్ బాబు రుద్ర పాత్రలో ప్రేక్షకులకు థ్రిల్ పంచనున్నారు. ఇక హీరోయిన్ మందాకినిగా ప్రియాంక చోప్రా, నెగిటివ్ రోల్ లో ‘కుంభ’గా పృథ్వీరాజ్ సుకుమారన్ ఈ చిత్రంలో అలరించనున్నారు. ఇప్పటికే విడుదలైన ప్రియాంక చోప్రా లుక్ , పృథ్వీరాజ్ సుకుమారన్ ట్రెమండస్ రెస్పాన్స్ వచ్చింది. రాజమౌళి సినిమాల్లోనుంచి అప్డేట్ వచ్చిందంటే సినిమా రిలీజ్ అయినంత సందడి ఉంటుంది.

ఈ SSMB 29 కి విషయానికి వస్తే గత కొద్దిరోజులుగా సోషల్ మీడియా అంతా రాజమౌళి, మహేష్ బాబు గురించే ట్రెండ్ అవుతోంది.అందరి అంచనాలు రెట్టింపయ్యేలా రాజమౌళి రెవీల్ చేసిన వారణాసి టైటిల్ , మహేష్ లుక్ సినిమా ఇంకెన్ని సంచలనాలు సృష్టిందో చూడాలి. ఇప్పటికే మహేష్ టైటిల్ సాంగ్ ఫుల్ ట్రెండ్ అవుతుంది. శృతిహాసన్ పాడిన ఈ పాటకి
ఆస్కార్ అవార్డు గ్రహీత ఎం.ఎం.కీరవాణి అద్భుత సంగీతం అందించారు. వారణాసి మూవీని దుర్గా ఆర్ట్స్ పతాకంపై కేఎల్ నారాయణ నిర్మిస్తుండగా 2027 వేసవిలో ఈ సినిమాను రిలీజ్ చేసేందుకు సన్నాహాలు చేస్తున్నారు.