మన శంకర వర ప్రసాద్ గారు’తో ఆల్‌టైమ్ రికార్డుల వరద

తెలుగు సినీ పరిశ్రమలో మెగాస్టార్ చిరంజీవి పేరు వినిపిస్తే చాలు… బాక్సాఫీస్ వద్ద పండగ వాతావరణం నెలకొంటుంది. ఆ అంచనాలను మరోసారి నిజం చేస్తూ ‘మన శంకర వర ప్రసాద్ గారు’ సినిమా సంచలన విజయంతో దూసుకుపోతోంది. విడుదలైన ప్రతి రోజూ కొత్త రికార్డులను సృష్టిస్తూ, కలెక్షన్ల పరంగా చరిత్రను తిరగరాస్తోంది.

మెగాస్టార్ చిరంజీవి తన స్వాగ్‌, స్టైల్‌తో ప్రేక్షకులను మరోసారి మంత్రముగ్ధులను చేయగా, థియేటర్లలో హౌస్‌ఫుల్ బోర్డులు దర్శనమిస్తున్నాయి. సంక్రాంతి బరిలో విడుదలైన ఈ చిత్రం ఇప్పటికే ప్రపంచవ్యాప్తంగా రూ.300 కోట్లకు పైగా గ్రాస్ కలెక్షన్లు సాధించి, ప్రాంతీయ సినిమాల్లో అత్యంత వేగంగా ఈ స్థాయిని చేరుకున్న చిత్రంగా ఆల్‌టైమ్ ఇండస్ట్రీ రికార్డ్ నమోదు చేసింది.

రెండో వారం రాంపేజ్

మొదటి వారం సంచలన విజయంతో ముగిసిన ‘మన శంకర వర ప్రసాద్ గారు’… రెండో వారంలోనూ అదే ఊపును కొనసాగిస్తోంది. పండగ సీజన్ ప్రభావంతో పాటు పాజిటివ్ టాక్‌, ఫ్యామిలీ ఆడియెన్స్ భారీగా థియేటర్లకు తరలిరావడంతో కలెక్షన్లు రోజు రోజుకు పెరుగుతున్నాయి. నిజంగా ఇది ఒక మెగా సంక్రాంతి బ్లాక్‌బస్టర్ అని మరోసారి రుజువైంది.

ఓవర్సీస్‌లోనూ మెగాస్టార్ సత్తా

దేశంలోనే కాకుండా విదేశాల్లోనూ ఈ సినిమా ప్రభంజనం కొనసాగుతోంది. ముఖ్యంగా నార్త్ అమెరికాలో $3 మిలియన్లకు పైగా గ్రాస్ వసూలు చేసి, మెగాస్టార్ కెరీర్‌లోనే ఆల్‌టైమ్ హైయెస్ట్ గ్రాసర్‌గా నిలిచింది. అలాగే దర్శకుడు అనిల్ రావిపూడి కెరీర్‌లోనూ ఇది ఓ ప్రత్యేకమైన మైలురాయిగా మారింది.

ఓవర్సీస్ డిస్ట్రిబ్యూషన్‌ను చేపట్టిన సరిగమ సినిమాస్ ఆధ్వర్యంలో ఈ చిత్రం అంతర్జాతీయ మార్కెట్‌లోనూ రికార్డుల వర్షం కురిపిస్తోంది.

ప్రేక్షకులే అసలైన విజేతలు

రికార్డుల వెనుక మెగాస్టార్ అభిమానులు, ప్రేక్షకుల అపారమైన ఆదరణే ప్రధాన కారణమని సినీ వర్గాలు పేర్కొంటున్నాయి. “డే ఆఫ్టర్ డే… రికార్డ్ ఆఫ్టర్ రికార్డ్” అన్నట్లుగా ‘మన శంకర వర ప్రసాద్ గారు’ విజయయాత్ర ఆగేలా కనిపించడం లేదు.

ఇలా మెగాస్టార్ చిరంజీవి మరోసారి తన స్థాయిని నిరూపిస్తూ, తెలుగు సినిమా సత్తాను ప్రపంచవ్యాప్తంగా చాటుతున్నాడు. 🎬🔥